გარდაბნის აღკვეთილი

მდებარეობს გარდაბნის რაიონში. დაარსდა 1957 წელს. მისი ფართობი 3315 ჰექტარს შეადგენს. გარდაბნის აღკვეთილი განლაგებულია მდინარე მტკვრის სანაპიროზე. ჭალის ტყეში. შეიძლება ითქვას, რომ გარდაბნის აღკვეთილის ტერიტორიაზე შემორჩენილია მდინარე მტკვრის ნაპირზე მდებარე ერთ-ერთი უნიკალური ჭალის ტყე. გარდაბნის აღკვეთილში გავრცელებულია ვერხვი, ოფი, თელა, უსურვაზი, ტირიფი, კუნელი, ჭალის მუხა. ძუძუმწოვრებიდან აქ შეიძლება შეგვხვდეს კავკასიური კეთილშობილი ირემი (საქართველოში ბოლო შემორჩენილი ჭალის პოპულაცია), გარეული ღორი, მგელი, ტურა, წავი, ლელიანის კატა; ფრინველებიდან - შავი ყარყატი, დიდი თეთრი ყანჩა, რუხი წერო, ხოხობი, დიდი ჩვამა, ჩვეულებრივი კაკაჩა და სხვა.

Source: აფთარი, გიურზა და სხვები. რედაქტორი ირაკლი მაჭარაშვილი,-წიგნი გამოიცა სახეობათა კონსერვაციის სამეცნიერო-კვლევითი ცენტრის (ECRES) მიერ, -დიზაინი და ბეჭდვა: შპს „სი-ჯი-ეს“ - კალამუს გრაფიკის სტუდია [გარეკანზე - ი. ბადრიძის, გ. დარჩიაშვილის, ბ, ლორთქიფანიძის, ი. მაჭარაშვილის ფოტოები. კორექტორი ელენე თობორიძე.],- ISBN 99940-716-0-2,-თბ.,-2002